Liberalitas Bavariae, aa Liberalitas Bavarica hoasst da obaste Leitsotz vo Bayern. Des is lateinisch und moant drei Socha: De Freiheit vo Bayern, de bayerische Freigebigkeit und ois dritts de freiheitliche Gsinnung vo de Bayern.[1]
Liberalitas Bavariae stäht vor oim fir Wäidoffnheit, Toleranz und Großherzigkeit, fir des Lem und lem lossn. Am 1733 bautn Portal vo da Pollinger Stiftskirchn "St. Salvator" stähd aa "Liberalitas Bavarica" ois Dank fir de Freigebigkeit, de den Kirchnbau ermeglicht hod.
Quelle: Wikipedia Bavaria - Original-Link